صدقني ما جيتك الا حيل محتاجك
افهم ظروفي وعقب اللي تبي سوة
ما جيتك العب ولا بسبب احراجك
جيتك وانا اشوف كلك طيب ومروه
شيء طبيعي تبي تحتاج واحتاجك
طبع البشر كلهم من آدم وحوه
لاكني اشوف همك كيف مخراجك
والله هو اللي يعرف الناس من جوه
ما فيه داعي تضيق وتعقد احجاجك
الحب وياك توه باوله توه
ان كان في غيبتي راحتك وعلاجك
ابشر ابصبر واصد لخاطر الخوة
وان كان عني نويت اطفي اسراجك
وش ينبغي بالهوى اذا طفت ضوه
مشكور يا غايتي وآسف على ازعاجك
ما فيه حب يجي بالغصب والقوة