فقير الحظ من مثلي ؟؟؟
فقير الحظ من مثلي ,, طوتني صفحـة النسيان
...................... اقاوم وسـط هالدنيـا ,, اعديهـا وتعدينـي
انا لك بس انا من لي ؟ غيـر الهم والاحـزان
...................... ألا يا حـظ ابي اعرف ,, كيف اكتب عناويني
فتحت الصفحه الاولى ,, لقيته اسمك العنـوان
...................... لكن اخـر كتابي ,, لقيت الجمـره تكـويني
ابي انساك لكن كيف ؟ حبك دم في الشـريان
...................... لجل انساك انا مجبر ,, اضحـي في شراييني
كثر حبك تمنيتك ,, كثر ما عشـت من حرمان
...................... تصدق لو اقول انك ,, بأحـلامي تخـاويني ؟
لجلك القلم ينزف ,, نزف العاشـق الولهـان
...................... ليتك تعرف ان حبره ,, مجرى الدمع في عيني
تبي اعلن انا الفرقى ؟ واحدد ساعة الهجـران ؟
...................... من عيونـي احددهـا ,, لكن رد اسنينـي !!
حرام اني كثر معطي ,, اطلع كل شي خسران
...................... دخيلك راجـع حسابك ,, قبل قبـري توديني
اذا هذي نهايتنا ,, انا يا عمـري الغلطـان
...................... شريتك والثمن عمـري ,, وبعـد هذا تبيعيني
خذ الباقي من الذكـرى ,, والاحلام والازمان
...................... وهبتك قصـة احلامي ,, وفيهـا كل عناويني
بودعها وانا كلي ,, أشبـه صـورة الانسان
...................... بلى عنوان او معنى ,, كل شي مجافيني
على كيف القدر نمشى ولا ندري وش المكتوب
على عهد الوفاء عاهديني
وابقى لك طول العمر ظميان
كل شربةً منك ما ترويني
وابقى لك عاشق و ولهان
