بذمتك عاد قلبك مثل ماأخبر
يحس فيني ويتفاعل مع أخباري
والا نسيت الغرام وحبي الطاهر
ما عاد لي في خيالك صورة وطاري
مرت علي ظروف تكدر الخاطر
فيني درى من درى وانت ولاداري
مدري تجاهلتني أو قلبك يكابر
والاشعورك غفى عن فكري الساري
كل يوم طيفك معي في ناظري حاضر
أشكي له الحال وأكشف له عن أسراري
ما بلغك عناي وشوقي الحاير
أو ما حفر فيك مجموعة أشعاري
محبتك في فؤادي مالها أخر
مهما أفترقنا وغبت أنت عن أن ظاري
أنت حياتي ويومي وأمسي وباكر
وأنت المطر والشجر والشمس وأقماري
شعور مهما أكتمه في صورتي ظاهر
يغني عن البوح والشكوى وأعذاري
وإن كنت بالحال منت داري وشاعر
هذي حروفي وهذي أخر أخباري
تسلم ايدينج خيتووو
