قلبي كبير وشوف انه مو قدك

تبين البعد
تبين افراق
من عيوني .. من عيوني
بقول أمرك إذا ودك ,, ابد والله ما اردك

تحسبيني مثل اول
بناديلك .. وابكيلك
اترجاك .. واقول اهواك
دخيلك لاتخليني ,, احب يدك

تحسبيني مثل اول
مانام الليل واتعذب واسهرلك
واقولك يانظر عيني :
......... أنا كلي تحت أمرك

حشا والله ما اقوله
حشا والله ما اقوله

تبين الجد ,,,,,,, انا مايهمني صدك

بغني لحظة فراقك
وارقص لحظة فراقك
واقول ان ثالث اعيادي
ترى والله هو فراقك

تحسبيني بـ اناديلك ,, لا ابوك لا ابو جدك

بقولك فارقي وروحي
أنا مليت من جروحي
بردد ياهنيالي
بعد ماتحررت روحي

ابد غيبي ولا تردين ,,, عسى الايام تهدك

أنا والله خسارة فيك
وخطيت بقولتي افديك
تبين الحق , أنا جاهل
يوم اني افكر فيك

وصدقيني قلبي كبير .. واشوف انه مو قدك